Şəbəkənin gücü 

Dünya təcrübəsində baxdıqda görmək olur ki, şəbəkənin gücü insan inkişafı üçün nə qədər önəmli əhəmiyyətə malikdir. İstər insan kapitalının inkişafı, istərsə də peşəkar şəkildə formalaşmaqda əlaqələrin gücü danılmazdır. Həmçinin oxşar istiqamətdən olan şəxslərin bir-birini tanıması və eyni bir dəyər üçün çalışması məqsədə daha tez çatmağa kömək edir. Məhz buna görə karyera planlaması işi ilə məşğul olan şəxslər və ya qurumlar arasında əməkdaşlıqların yaradılması və onlar üçün ortaq peşəkar müzakirə mühiti yaratmaq ölkədə və iqtisadiyyatda baş verən çətinliklərin həllində olduqca mühüm əhəmiyyətə malikdir.

Karyera Mərkəzlərin əhəmiyyəti

Bu gün insanların əsas ağrı nöqtəsi məhz işsizlik problemidir. Hətta ali təhsili olan şəxslər arasındada bu göstərici demək olar ki, böyükdür. İşəgötürənin təcrübə tələbini gənclərin ödəyə bilməməsi və ya bu tələbə uyğun təklif verə bilməməsi nəticəsində bir çox gənc ali təhsilinin olmasına baxmayaraq kütləvi şəkildə işsizlikdən əziyyət çəkirlər. Məhz bu problemi ələ alaraq görmək olur ki, maarifləndirmə işinin əhəmiyyəti nə dərəcədə böyükdür. Tələbənin ali təhsil müəssisəsinə qəbul olduğu vaxtdan etibarən düzgün şəkildə maarifləndirilməsi və uyğun istiqamətə yönəldilməsi məhz karyera mərkəzləri tərəfindən aparılması zəruri olan məsələlərdəndir.

İnsan kapitalının inkişafı

Əmək bazarı çox sürətlə dəyişir və demək olar ki, gündəlik bir sıra qərarlar qəbul edilir və müəyyən tələblər qoyulur. Lakin işaxtaran və ya işçinin bu tələbləri qarşılaması, bu sürətə çatması bəzən çətinliklər yaradır. Məhz buna görə də işçi daima özündə müəyyən vərdişlər formalaşadırmalı, özünü inkişafa təşviq etməli, sahənin və ya peşənin tələb etdiyi yumuşaq və texniki bacarıqları özündə daima inkişaf etdirməyə açıq olmalıdır. Yalnız bu halda işçi bazarda özünə ehtiyac yarada bilər və öz yerini qoruya bilməsi mümkün olar. Eyni zamanda işçinin bacarıqlarının peşəyə və ixtisasa uyğunluq məsələsi onun keyfiyyətli iş görməsinə başlıqca təsir edən amillərdəndir. Məhz işəgötürən aspektdən yanaşsaq şəxsin bacarıqlarının peşəyə uyğunluluğu daima yoxlanmalı və uyğun istiqamətə yönəldilməsə təşviq edilməlidir.

Sağlam iş mühitinin qurulması

İşçiyə qoyulan tələblərin nə qədər yüksək olması işəgötürənin əməkdaşı üçün yaratdığı uyğun mühitdən çox asılıdır. Məhz buna görə də işəgötürən öz əməkdaşlarının inkişafına dəstək olmalı və onlar üçün uyğun və sağlam mühit yaratmaqda maraqlı olmalıdır. İşin həm kəmiyyət, həm də keyfiyyət baxımından düzgün şəkildə yerinə yetirilməsi, quruma bağlı xoşbəxt işçi profillərinin formalaşdırılması, dəyər amilinin yaradılması üçün işgötürən və işçi arasında olan bağlılıq, düzgün sistemin qurulması məsələsi günün aktual məsələlərindən biridir. Burada düzgün yanaşma, işçinin inkişafının daima ölçülməsi, yeni nəslin tələblərinə uyğunlaşma şirkətin bazarda davamlılığını və dayanıqlılığını qorumasını zəruri edir.